Көлсай көлдері туры

Біз сізге бастан-аяқ қазақ тілінде толыққанды қызмет көрсетеміз!

Көлсай көлдері — Күнгей Алатаудың Саты асуынан бастау алатын өзендердің суынан пайда болған көлдер жүйесі. 3 көлден тұрады. Олар қазіргі Алматы облысының  Кеген ауданы жерінде орналасқан. Алматы қаласынан оңтүстік-шығысқа қарай 330 км жерде. Қырғызстан шекарасынан 10 км қашықтықта. 

Көлдердің сипаттамасы:

• Төменгі көл: теңіз деңгейінен 1800 м биіктікте, ұзындығы — 1 км, ені — 400 м, тереңдігі — 80 м. Жақсы жолы мен инфраструктурасы бар. 

• Ортаңғы көл: теңіз деңгейінен 2200 м биіктікте, 3 көлдің арасындағы ең үлкені әрі ең әдемісі. Төменгі көлден 5 км жерде. Оған жаяу немесе атпен бару керек. 

• Жоғарғы көл: теңіз деңгейінен 2800 м биіктікте. 3 көлдің ең кішісі. Ортаңғы көлден 4 км жерде. Оған да жаяу немесе атпен бару керек. Шекараға жақын болғандықтан бару үшін ресми рұқсат қағаз алу керек. 

Бүгінде көлдер «Көлсай көлдері» мемлекеттік ұлттық табиғи паркінің құрамында. Парктің флорасы ғана 700-ден астам түрді қамтиды. Қазақстанның қызыл кітабына енген алтын адонис, тяньшань адонисі, Шренк шыршасы сияқты өсімдіктер кездеседі. Фаунасы да сан алуан: бір ғана омыртқалы жануарлардың өзі 20-дан асып жығылады. Одан басқа 4 түрлі балық, 197 құс пен 29 сүтқоректі мекендейді. 

Көлсай көлдері несімен әйгілі? Таудың таза ауасы, ну орман, қарағайлар, мөлдір су, ағысы қатты өзен, керемет әдемі табиғат, аң мен құс адамға өте жағымды әсер етеді. Қаладағы күнделікті өмірден шаршап шалдыққандарға Көлсай көлдеріне саяхат — миды демалтудың тамаша мүмкіндігі. Адамдар тіпті шетелден осы көлдерді көруге келеді. Көлдің маңындағы жайлы қонақ үйлер, тамақ ішетін ресторандар мен кафелер, дүкендер мен бутиктер, жалға берілетін ескек қайықтар мен мінетін аттар, барынша замануи жалғыз аяқ соқпақтар (тропинки) адамдардың емін еркін демалуына арналған. Жоғарыда аталғандар Көлсай көлдерін барынша танымал туристік орын етеді. 

• транспорт
• гид
• билет

• жеке куәлік немесе паспорт — МІНДЕТТІ түрде!!!
• жолда/көлде сауда жасау үшін қағаз ақша мен мәнеттер
• су мен тамақ; болмаса көлде сатып алуға болады
• спорттық немесе серуендеуге ыңғайлы киім мен аяқ киім
• ауа райына қарай қалың киім мен сулық (дождевик)

• кешіккенде, келмегенде ешкім ешкімді іздемейді және күтпейді
• жолда/көлде ұялы желі, интернет жөнді ұстамайды
• қоқыс тастауға қатаң тыйым салынады
• тау-тасты аралағанда абай болу керек
• көлде ескек қайықпен жүзуге болады
• көлде ат мініп жүруге болады
• фотоға түсуге, түсіруге, селфи жасауға болады
• гид радио сияқты тоқтаусыз сөйлемейді
• гид бала бағушы (нянька) сияқты группаны ертіп жүрмейді 
• гид тек алып барады, жол көрсетеді, артынан алып қайтады 
• тыныш барып, тыныш қайтамыз
• артық сөзсіз және қимылсыз, бір-бірімізді құрметтейміз!

• қайықпен жүзу: 1 қайық 30 минутқа 5000 тг жалға беріледі
• ат мініп жүру: 1 ат 1 сағатқа 8000 тг жалға беріледі
• 1 шампур кебаб (шашлык) 1500 тг тұрады
• 1 литр қымыз 1500 тг тұрады